Yerevan Şəhər Şurasına seçkinin nəticələri təsdiqlənib
Ermənistanın Mərkəzi Seçki Komissiyası Yerevan Şəhər Şurasına mayın 14-də keçirilmiş seçkinin nəticələrini təsdiqləyib. Novator.az-ın məlumatına görə, Respublika Partiyası 65 yerlik şuraya 46 mandat, “Çıxış” bloku 14 mandat, Əriklər Ölkəsi Partiyası 5 mandat əldə edib.
Proporsional üsulla seçilən Şəhər Şurasında mandatların yarıdan çoxunu götürdüyü üçün hakim Respublika Partiyasının siyahısına başçılıq edən Yerevan meri Taron Marqaryan postunu qoruyub. O, 2011-ci ildən Yerevan meridir.
“Çıxış” blokunun siyahısında Vətəndaş Sazişi Partiyasının lideri Nikol Paşinyan, Əriklər Ölkəsi Partiyasının siyahısında Zarui Postancyan birinci olub.
Yerevan Şəhər Şurasının səlahiyyət müddəti 4 ildir.
