Elgiz Qəhrəmanın şikayəti təmin olunmadı
Mayın 18-də Bakı Apellyasiya Məhkəməsi NİDA Vətəndaş Hərəkatının üzvü Elgiz Qəhrəmanın işi üzrə prosesi başa çatdırıb. Gənc fəalın şikayəti təmin olunmayıb, 5 il 6 aylıq həbs cəzası qüvvədə qalıb.
Elgiz Qəhrəman 2016-cı il avqustun 12-də tutulub. 2017-ci il yanvarın 16-da Bakı Ağır Cinayətlər Məhkəməsi onu 5 il 6 ay müddətinə azadlıqdan məhrum edib. O, narkotik vasitə saxlamada təqsirli bilinib.
Elgiz Qəhrəman özü və NİDA Vətəndaş Hərəkatı ittihamları rədd edir, həbsin siyasi xarakterli olduğunu bildirir.
