Ərzağın qiyməti 17,8 faiz artıb
2017-ci ilin yanvar-aprel aylarında əvvəlki ilin ilk dörd ayına nisbətən istehlak məhsullarının və xidmətlərin qiymətləri 13,5 faiz, o cümlədən ərzaq məhsullarının qiymətləri 17,8 faiz, qeyri-ərzaq məhsullarının qiymətləri 12,5 faiz, əhaliyə göstərilən ödənişli xidmətlərin qiymətləri isə 8,7 faiz artıb. Novator.az-ın məlumatına görə, Dövlət Statistika Komitəsi belə hesabat yayıb.
Başqa bir hesabata əsasən, əvvəlki ilin müvafiq dövrü ilə müqayisədə yanvar-aprel aylarında əhalinin gəlirləri nominal ifadədə 6,8 faiz artaraq 14 milyard 655,6 milyon manata çatıb.
