Kənd təsərrüfatı: 3,2 faiz inkişaf var
May ayının 1-nə kimi 334,5 min hektar sahədə yazlıq bitkilərin səpini aparılıb. Novator.az-ın məlumatına görə, Dövlət Statistika Komitəsi bildirir ki, 43,6 min hektar sahədə dənli və dənli paxlalı bitkilər, 55,2 min hektar sahədə kartof, 44,9 min hektar sahədə tərəvəz, 15,9 min hektar sahədə bostan bitkiləri, 11,4 min hektar sahədə şəkər çuğunduru, 9,6 min hektar sahədə dən üçün günəbaxan, 1,5 hektar sahədə tütün, 107,5 min hektar sahədə pambıq, 38,8 min hektar sahədə çoxillik otlar, 1,3 min hektar sahədə birillik otlar, 4,8 min hektar sahədə başqa yazlıq bitkilər əkilib.
Keçən ilin müvafiq dövrü ilə müqayisədə cari ilin yanvar-aprel aylarında diri çəkidə ət istehsalı 3 faiz, süd istehsalı 1,3 faiz, yumurta istehsalı 6,5 faiz artıb, yun istehsalı 40,9 faiz azalıb.
2016-cı ilin yanvar-aprel ayları ilə müqayisədə kənd təsərrüfatının ümumi məhsulu 3,2 faiz, o cümlədən bitkiçilik məhsulları istehsalı 15,8 faiz, heyvandarlıq məhsulları istehsalı isə 2,6 faiz artıb.
