Dörd ayda iqtisadiyyat 1,2 faiz geriləyib
Dövlət Statistika Komitəsi 2017-ci ilin yanvar-aprel ayları üçün ümumi daxili məhsul istehsalı haqqında hesabat yayıb. Novator.az-ın məlumatına görə, qeyd olunur ki, yanvar-aprel aylarında ölkədə 20 milyard 139,8 milyon manatlıq və ya əvvəlki ilin eyni dövrü ilə müqayisədə 1,2 faiz az ümumi daxili məhsul istehsal edilib.
Sənayenin neft hasilatı və emalı sahələrində istehsal azalıb, iqtisadiyyatın qeyri-neft bölməsində istehsal isə əvvəlki ilin müvafiq dövrünə nisbətən 1,9 faiz artıb.
Ümumi daxili məhsulun 44,6 faizi sənayedə, 11 faizi ticarət; nəqliyyat vasitələrinin təmiri sahələrində, 8,2 faizi tikintidə, 7,3 faizi nəqliyyat və anbar təsərrüfatı, 3 faizi kənd təsərrüfatı, meşə təsərrüfatı və balıqçılıq, 2,9 faizi turistlərin yerləşdirilməsi və ictimai iaşə, 1,7 faizi informasiya və rabitə sahələrində, 14 faizi digər sahələrdə istehsal olunub, məhsula və idxala xalis vergilər ÜDM-in 7,3 faizini təşkil edib.
Əhalinin hər nəfərinə düşən ÜDM 2075,5 manata bərabər olub.
