Şümşad ağaclarının zərərvericilərə yoluxduğu aşkarlanıb
Azərbaycanın cənub bölgəsində şümşad ağaclarının “Şümşad odlucası” adlanan zərərvericilərə yoluxduğu aşkarlanıb.
Kənd Təsərrüfatı Nazirliyindən Novator.az-a verilən məlumata görə, Dövlət Fitosanitar Nəzarəti Xidməti bununla bağlı Lənkəran, Astara, Masallı və Lerik rayonları ərazisində ümumilikdə 1250 hektar meşə təsərrüfatı sahəsində araşdırma aparıb.
Astarada 59 hektar, Lənkəranda 23 hektar, Masallıda isə 7 hektar meşə təsərrüfatı sahələrində zərərvericilərə qarşı mübarizə başlanıb. Mübarizə tədbirləri “Skaut” tipli müasir və yüksək manevr qabiliyyəti olan çiləyici aqreqatlar vasitəsilə həyata keçirilir. Məqsəd “Şümşad odlucası”nın ölkə ərasizində yayılmasının, eləcə də kənd təsərrüfatına və ətraf mühitə dəyən ziyanın qarşısını almaqdır.
