Bir ildə 281 hüquq müdafiəçisi öldürülüb
“Amnesty İnternational” insan haqları təşkilatı hüquq müdafiəçiləri ilə bağlı yeni hesabat yayıb. Novator.az-ın məlumatına əsasən, hesabatda qeyd olunur ki, 2016-cı ildə dünyada təqib olunan hüquq müdafiəçilərinin sayı artıb, 22 ölkədə 281 nəfər fəaliyyətinə görə qətlə yetirilib. 2015-ci ildə 156 ölüm qeydə alınmışdı.
Hesabatda deyilir ki, 63 ölkədə hüquq müdafiəçiləri gözdən salma kampaniyası ilə üzləşib, 68 ölkədə insan haqları ilə məşğul olanlar tutulub və ya həbs edilib, 94 ölkədə hüquq müdafiəçiləri hədələrə və hücumlara məruz qalıb.
“Amnesty İnternational” bildirir ki, hüquq müdafiəçiləri ən çox Çin, Misir, Böyük Britaniya, Rusiya, Bəhreyn, Meksikada təqibə məruz qalır.
Səidə Hüseynova
