2017-2018 mövsümünün ilkin reqlamenti
İlkin reqlamentə əsasən, 2017-2018 mövsümündə UEFA-nın klub turnirlərinə 236 komanda buraxmaq nəzərdə tutulur. Novator.az-ın məlumatına görə, 79 komandanın Çempionlar Liqasında, 157 komandanın Avropa Liqasında start götürməsi planlaşdırılır.
Hər iki turnirin qrup mərhələsinədək 4 seçmə raundu keçiriləcək. Azərbaycanın “Qarabağ” komandası Çempionlar Liqasında mübarizəyə ikinci seçmə mərhələdən qoşulacaq. “İnter” və “Zirə” Avropa Liqasına ilk raunddan, “Qəbələ” ikinci raunddan başlayacaq.
“Qarabağ” Çempionlar Liqasının ikinci raundunda güclülər cərgəsində yer alır və nisbətən zəif rəqiblə görüşəcək.
“İnter” Avropa Liqasının ilk, “Qəbələ” ikinci raundunda güclülər cərgəsindədir. “Zirə”nin ilk raundda hansı cərgədə qərar tutacağı hələ bilinmir.
2017-2018 mövsümü iyun ayının sonunda start götürəcək (Təqvim).
