Zabil Müqabiloğlunun xatirəsi anılacaq
Mayın 20-si saat 16-da ADO Teatrında (“ADO Theatre Collective”) mərhum jurnalist Zabil Müqabiloğlunun xatirəsinə həsr olunmuş tədbir keçiriləcək.
“Son zəng” adlı tədbirdə Zabil Müqabiloğlunun həyat və yaradıcılığından söz açılacaq, onun şeirləri oxunacaq, mərhum jurnalistin ömür yolunu əks etdirən video çarx nümayiş olunacaq.
Tədbirə hər kəs dəvətlidir, giriş sərbəstdir.
Zabil Müqabiloğlu 1977-ci il noyabrın 17-də Zəngilan rayonunun Babaylı kəndində anadan olub. Bakı Asiya Universitetinin jurnalistika fakültəsini bitirib. 1996-1998-ci illərdə hərbi xidmətdə olub. 1998-ci ildən mətbuatda çalışıb. “525-ci qəzet”də, “Avropa”, “Tərcüman”, “Yeni Müsavat” qəzetlərində işləyib. Son iş yeri təsisçisi olduğu Gunxeber.com saytı olub.
Zabil Müqabiloğlu 2017-ci il fevralın 26-da vəfat edib.
“ADO Theatre Collective” Bakının Mirzəağa Əliyev küçəsi, 245 ünvanında yerləşir. Əlaqə telefonları: 050 394 48 64; 070 219 83 33; 012 594 83 85. www.facebook.com/adotheatre
