Yeni Zelandiyada siçovul qırğını başlayıb
Yeni Zelandiyada siçovul və opossumların (kisəli siçovul) kütləvi məhvinə başlanıb. Novator.az-ın məlumatına görə, məmurlar bu yolla quşların sayını artırmaq, ekologiya sistemində harmoniya və balans yaratmaq istəyir.
Mütəxəssislər hər ay yüzlərlə gəmiricini məhv edə biləcək xüsusi tələlərdən istifadə etmək niyyətindədirlər.
Siçovul və opossumların kökünü kəsmək üçün vəhşi təbiətə erkən ölümə şərait yaradan zərərli mutasiyalı heyvanlar da buraxılacaq. Bu məməli heyvanlar artaraq arzuolunmaz gəmiricilər arasında qüsurlu genlər yayacaq.
Yeni Zelandiyada arzuolunmaz heyvanların sayı ölkə əhalisinin (5 milyona yaxın) sayından bir neçə dəfə çoxdur. Hesablamalara görə, 2009-cu ildə ölkədə təkcə opossumların sayı 30 milyon olub.
