Üçü də məlum…
Ötən həftəsonu Avropanın üç böyük futbol ölkəsində milli çempionatın qalibi müəyyənləşib. Hollandiyada birincilik “Feyenoord”un zəfəri ilə başa çatıb. Rotterdam klubu “Ayaks”ı 1 xal qabaqlayaraq turniri 82 xalla bitirib.
Novator.az-ın məlumatına görə, İngiltərədə sona 1 tur qalmış xallarının sayını 87-yə çatdıran “Çelsi” ən yaxın izləyicisi “Tottenhem” üçün əlçatmaz olaraq çempionluq kürsüsünə oturub.
Portuqaliyada sona 1 tur qalmış “Benfika” 81 xal toplayaraq qızıl medallara sahib çıxıb.
İspaniya çempionatında sona 1 tur qalmış “Barselona” 87 xalla zirvədədir. Bir oyun az keçirən “Real” da 87 xal yığıb.
Fransada sona 1 tur qalmış ehtiyatda bir oyunu olan “Monako” 89 xalla liderdir. PSJ 86 xal toplayıb.
İtaliyada sona 2 tur qalmış “Yuventus” liderlik edir. Komandanın 85 xalı var. “Roma” 81 xalla ikinci, “Napoli” 80 xalla üçüncüdür.
