Tehran meri prezidentlik yarışından geri çəkildi
Tehranın meri Məhəmmədbağır Qalibaf İran prezidentliyinə namizədliyini keçmiş baş prokuror İbrahim Rəisinin xeyrinə geri götürüb. Bununla da mayın 19-da keçiriləcək prezident seçkisinə qatılan namizədlərin sayı 5-ə düşüb. Qələbə uğrunda indiki prezident Həsən Ruhani, vitse-prezident İshaq Cahangiri, sabiq sənaye naziri Mustafa Haşimi Təba, keçmiş mədəniyyət naziri Mustafa Mirsəlim də mübarizə aparır.
Novator.az-ın məlumatına görə, Məhəmmədbağır Qalibaf öz namizədliyini onun və İbrahim Rəisinin təmsil olunduğu İslam İnqilabı Qüvvələri Xalq Cəbhəsinin iclasından sonra geri götürüb. Təşkilatın seçkidə vahid namizədlə iştirakı məsləhət bilinib.
Hökumət başçısı funksiyası daşıyan İran prezidenti ümumxalq seçkisində 4 il müddətinə seçilir.
Səidə Hüseynova
