Səyyar xidmətdən 52 nəfər yararlanıb
Dövlət Miqrasiya Xidməti Zaqatalada əcnəbi və vətəndaşlığı olmayan şəxslər üçün səyyar xidmət təşkil edib. Mayın 15-də yayılan rəsmi məlumata görə, səyyar xidmətdən 52 şəxs yararlanıb. 21 nəfərə Azərbaycan ərazisində müvəqqəti və daimi yaşamaq üçün icazə vəsiqələri, 13 nəfərə vətəndaşlıq mənsubiyyətinin müəyyən olunması ilə bağlı arayış verilib.
6 nəfərdən vətəndaşlıq mənsubiyyətinin müəyyən olunması, əcnəbi və ya vətəndaşlığı olmayan 2 şəxsdən müvəqqəti yaşama icazəsinin verilməsi ilə bağlı sənəd qəbul olunub.
10 şəxs isə DMX-nin funksiyalarına aid olan xidmətlərlə bağlı sənədlərin siyahısını əldə edib.
