Paytaxt şurasında kimə nə qədər mandat düşüb?
Yerevan Şəhər Şurasına hansı siyasi qüvvənin nə qədər mandat aldığı açıqlanıb. Mayın 14-də keçirilmiş seçkidə üç siyasi qüvvə iştirak edib. Respublika Partiyası 71,25%, “Çıxış” bloku 21%, Əriklər Ölkəsi Partiyası 7,75% səs alıb.
Novator.az-ın məlumatına görə, Respublika Partiyası 65 yerlik şuraya 46 mandat, “Çıxış” bloku 14 mandat, Əriklər Ölkəsi Partiyası 5 mandat əldə edib.
Proporsional üsulla seçilən Şəhər Şurasında mandatların yarıdan çoxunu götürdüyü üçün hakim Respublika Partiyasının siyahısına başçılıq edən Yerevan meri Taron Marqaryan postunu qoruyub. O, 2011-ci ildən Yerevan meridir.
“Çıxış” blokunun siyahısında Vətəndaş Sazişi Partiyasının lideri Nikol Paşinyan, Əriklər Ölkəsi Partiyasının siyahısında Zarui Postancyan birinci olub.
