Aprelin miqrasiya pozuntuları
Dövlət Miqrasiya Xidməti 2017-ci ilin aprel ayında 1547 əcnəbinin Azərbaycanda olma, habelə müvəqqəti və daimi yaşama qaydalarını pozduğunu müəyyən edib. Rəsmi hesabata görə, 18 nəfərin sənədləri yenisi ilə əvəz olunub, 179 nəfərin ölkədə yaşaması leqallaşdırılıb.
919 nəfər cərimələnib, 431 şəxs cərimələnərək ölkədən çıxarılıb.
Ay ərzində xidmətə əcnəbilər və vətəndaşlığı olmayan şəxslərdən ölkədə müvəqqəti olma müddətlərinin uzadılması, müvəqqəti və daimi yaşamaq üçün icazələrin verilməsi, vətəndaşlığa qəbul, xitam, bərpa, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazələrinin verilməsi və mövcud iş icazələrinin müddətlərinin uzadılması ilə bağlı 8194 müraciət daxil olub. Olduğu yer üzrə qeydiyyatla bağlı 46574 əcnəbinin müraciəti qeydə alınıb.
