Yağış, külək, dolu…
Ekologiya və Təbii Sərvətlər Nazirliyinin Milli Hidrometeorologiya Departamentinin rəsmi məlumatına görə, mayın 11-i gündüzdən 12-si səhərədək ölkədə şimşək çaxıb, yağış yağıb. Böyük Qafqazın bəzi yerlərində yağıntı intensiv olub.
Güclü şimal-qərb küləyi əsib. Küləyin sürəti Abşeron yarımadasında və bəzi rayonlarda arabir saniyədə 23-30 metrədək güclənib.
İntensiv yağış nəticəsində Kişçay, Şinçay, Kürmükçay və Baş Daşağıl çaylarında sululuq artıb.
Yağışın miqdarı Bakıda və Abşeron yarımadasında 1-5, Böyük Qafqazda 1-17, dağlıq və dağətəyi rayonlarda 23-52, Naxçıvan Muxtar Respublikasında 1-7, Mərkəzi Aran rayonlarında 1-5, Kiçik Qafqazda 9-11, Qazax-Gəncə zonasında 1-9 millimetr olub.
Köşklü, Aşıqlı, Çaykənd, Quşçu kəndlərinə dolu düşüb. Dolunun miqdarı Göygöldə 13, Zurnabad kəndində (Göygöl) 18, Daşkəsənin Zağalı Göl kəndinə 12 millimetr təşkil edib.
