İşgüzar forumda kreditlər verilib
İqtisadiyyat Nazirliyinin Sahibkarlığa Kömək Milli Fondu mayın 11-i Siyəzən rayonunun Böyük Həmyə kəndində işgüzar forum keçirib. Rəsmi məlumata görə, forumda Quba-Xaçmaz iqtisadi rayonundan bir qrup sahibkara 200 min manat güzəştli kredit verilib. Kreditlər əsasən heyvandarlıq, bağçılıq, quşçuluq sahələrinin inkişafına yönəldiləcək.
Sahibkarlığa Kömək Milli Fondunun icraçı direktoru Şirzad Abdullayev forumda deyib ki, indiyədək Siyəzən rayonundan olan 95 sahibkara 16,8 milyon manat güzəştli kredit ayrılıb, ümumən Quba-Xaçmaz iqtisadi rayonunda fəaliyyət göstərən sahibkarlıq subyektləri bu çərçivədə 185 milyon manat alıb.
