Xarici ticarət: dörd ayda 11 faizdən çox artım var
Mayın 11-də Dövlət Gömrük Komitəsi dörd aylıq göstəriciləri açıqlayıb. Novator.az-ın məlumatına görə, hesabatda qeyd olunur ki, yanvar-aprel aylarında Azərbaycanın ticarət əməliyyatlarının həcmi 2016-cı ilin ilk dörd ayına nisbətən 11,35 faiz artıb və 5 milyard 595,7 milyon dollara çatıb.
İxracda (3 milyard 430,7 milyon dollar) 2016-cı ilin ilk dörd ayına nisbətən 41,11 faiz artım olduğu bildirilir.
İdxal ötən ilin müvafiq dövrünə nisbətən 16,53 faiz azalaraq 2 milyard 164,9 milyon ABŞ dolları olub.
Hesabata görə, yanvar-aprel aylarında 157 ölkə ilə ticarət əməliyyatı aparılıb.
Dörd ayda gömrük orqanları büdcəyə 758,1 milyon dollar ödəyib.
