Pirallahıda yeni körpü və yol açıldı
Mayın 11-də prezident İlham Əliyev paytaxtın Pirallahı rayonunda yeni körpünün açılışında iştirak edib. Qala-Pirallahı avtomobil yolunun 23-cü kilometrində yerləşən körpünün uzunluğu 442, eni 14, hərəkət zolağının eni isə 12 metrdir.
AZƏRTAC-ın məlumatına görə, prezident Pirallahı qəsəbəsindəki Səməd Vurğun küçəsinin yenidənqurmadan sonra açılışına da qatılıb. Uzunluğu 8 kilometr olan dördzolaqlı yolun yenidənqurmadan sonra eni 18 metrə çatdırılıb. Yol qəsəbə sakinlərinin Heydər Əliyev prospekti vasitəsilə Bakı şəhərinin mərkəzinə, eləcə də Heydər Əliyev Beynəlxalq Aeroportuna, Şüvəlan, Mərdəkan, Buzovna, Bilgəhə və digər qəsəbələrə rahat çıxışına imkan yaradır.
