Nazir mandata görə postdan getdi
Ermənistanın ədliyyə naziri Arpine Ovannisyan mayın 11-də istefaya göndərilib. Novator.az-ın məlumatına görə, hökumətin iclasında bu qərarı açıqlayan baş nazir Karen Karapetyan Arpine Ovannisyana təşəkkür edib, deputat fəaliyyətində uğurlar arzulayıb.
Arpine Ovannisyanın istefaya göndərilməsi deputat seçilməsi ilə bağlıdır. O, aprelin 2-də hakim Respublika Partiyasının proporsional siyahısından deputat seçilib.
Arpine Ovannisyan 1983-cü ildə anadan olub. Yerevan Dövlət Universitetinin hüquq fakültəsinin və onun aspiranturasının məzunudur. 2015-ci ilin sentyabrından ədliyyə naziri idi.
Səidə Hüseynova
