Yeni qənd qablar. Finlandiyada qənddən butulka istehsalına başlanıb
Finlandiyanın Texniki Tədqiqatlar Mərkəzi təbii qənddən butulka istehsal etməyə başlayıb. Bu butulkalar plastik qablara oxşayır və onları əvəz etmək üçün düşünülüb.
Novator.az-ın məlumatına görə, Texniki Tədqiqatlar Mərkəzi qənddən və ya qənd istehsalında yaranan qırıntılardan 2,5-furandikarbon turşusunun hazırlanması texnologiyasını artıq patentləşdirib.
Mərkəzin böyük elmi işçisi Devid Tomas bildirib ki, bu texnologiya bərpa olunan materiallardan qab istehsalına imkan yaradır. Yeni material suyu və turşunu daha yaxşı saxlayır. Devid Tomasın sözlərinə görə, qənddən hazırlanan butulkalarda mayeni uzun müddətə keyfiyyətli şəkildə saxlamaq mümkün olacaq.
Yeni butulka istehsalında zəhərli tullantılar çox az qalacaq. Çünki istehsal prosesində sərt katalizatordan istifadə olunur. Yeni üsulun bir üstünlüyü də böyük sərmayə tələb etməməsindədir.
Texniki Tədqiqatlar Mərkəzi sözügedən texnologiyanın rəsmi təqdimatını 2017-cı ilin sentyabrına planlaşdırır.
