Yeni prezident and içdi
Cənubi Koreyanın yeni prezidenti Mun Çje İn mayın 10-u parlamentdə and içərək səlahiyyətlərinin icrasına başlayıb. Demokrat Partiyasının lideri olan 64 yaşlı Mun Çje İn mayın 9-da keçirilmiş növbədənkənar prezident seçkisində dövlət başçısı seçilib. Novator.az-ın məlumatına görə, o, 41,08% səs toplayıb.
Mun Çje İn hüquqçudur, əvvəllər Prezident Administrasiyasının rəhbəri olub, Şimali Koreya ilə yaxşı münasibətlərin tərəfdarı kimi tanınır.
Cənubi Koreyanın əvvəlki prezidenti Pak Kın He ötən il dekabrın 9-da parlamentin qərarı ilə istefaya göndərilib. Bu il martın 10-da Konstitusiya Məhkəməsi həmin qərarı təsdiqləyib.
