Problemli kreditlərdə yüksəliş
2017-ci il aprelin 1-nə Azərbaycanda vaxtı keçmiş kreditlərin məbləği 1 milyard 590,3 milyon manata yüksəlib. Novator.az-ın məlumatına görə, Mərkəzi Bankın hesabatında bildirilir ki, problemli kreditlərin 870,5 milyon manatı xarici valyutada olan kreditlərdir.
Martın 1-nə vaxtı keçmiş kreditlərin məbləği 1 milyard 556,4 milyon manat idi. Ay ərzində 33,9 milyon manat artım olub.
Fevralın 1-nə vaxtı keçmiş kreditlərin məbləği 1 milyard 633,1 milyon manat olmuş, 2017-ci ilin ilk günü ilə müqayisədə 76,7 milyon manat azalma qeyd edilmişdi.
