“Yuventus” finala doğru
İtaliyanın “Yuventus” komandası UEFA Çempionlar Liqasının finalına inamlı addım atıb. Novator.az-ın məlumatına görə, italyanlar mayın 3-ü səfərdə keçirdikləri yarımfinal oyununda Fransanın “Monako” klubunu 2:0 hesabı ilə yeniblər.
1991-1992 mövsümünədək Çempionlar kuboku adlanmış turnirdə “Yuventus” 1985 və 1996-cı illərdə zəfər çalıb, 1973, 1983, 1997, 1998, 2003 və 2015-ci illərdə isə finalda uduzub. Fransızlar 1 dəfə (2004-cü il) finala qədər gəliblər.
Mayın 3-də UEFA Avropa Liqasının da bir yarımfinal matçı keçirilib. “Ayaks” (Hollandiya) evdə “Lion”u (Fransa) 4:1 hesabı ilə məğlub edib.
