Real üstünlük
UEFA Çempionlar Liqasının yarımfinalı turnirin ən titullu komandasının böyük üstünlüyü ilə start götürüb. Mayın 2-də İspaniya paytaxtının təmsilçiləri “Real” və “Atletiko” üz-üzə gəliblər. “Real”ın meydanında keçirilən oyunda kral klubu 3:0 hesabı ilə üstün olub. Topları Kriştiano Ronaldo vurub.
Novator.az bildirir ki, “Real” 11 dəfə Çempionlar Liqasında zirvəyə qalxıb. 1991-1992 mövsümünədək Çempionlar kuboku adlanmış turnirdə Madrid təmsilçisinin uğurları 1956, 1957, 1958, 1959, 1960, 1966, 1998, 2000, 2002, 2014, 2016-cı illərə təsadüf edib.
“Atletiko” isə 3 dəfə (1974, 2014, 2016-cı illər) finala qədər gələ bilib.
