Pilotsuz təyyarələrdə alternativ enerjidən istifadə sınaqdan keçirilib
Rusiyada Birləşmiş Təyyarə Tikintisi Korporasiyası pilotsuz təyyarələrdə alternativ enerji mənbəyindən istifadəni sınaqdan keçirib. Novator.az-ın məlumatına görə, korporasiyanın baş konstruktoru Sergey Korotkov mayın 3-də jurnalistlərə belə açıqlama verib.
Korotkov qeyd edib ki, mütəxəssislər bu və ya digər mexanizmləri hərəkətə gətirməyə imkan verən başqa enerji mənbələrini də nəzərdən keçirirlər. Enerji mənbəyinin növünü açıqlamayan konstruktor cənubda uçan aparatların üzərində alternativ enerjinin uğurla sınaqdan keçirildiyini vurğulayıb.
Elektrik təyyarələri haqda danışan Korotkov qeyd edib ki, istənilən mühərrik havaya xeyli qatqı buraxır və bəşəriyyət uzun illərdir ətraf mühitə belə təsirin qarşısını almaq üçün mexanizmləri hərəkətə gətirə biləcək elektrik haqda düşünür. Baş konstruktor artıq bu istiqamətdə böyük işlərin görüldüyünü bəyan edib. O, enerji qurğularının laboratoriyada və ya poliqonda mövcud olduğunu və hazırda belə enerji qurğularının sərnişin təyyarələrində də istifadəsinin mümkünlüyünü vurğulayıb.
