Mətbuat Azadlığı Günü avstraliyalı jurnalistlərə düşmədi
Avstraliyanın nəhəng “Fairfax Media” şirkətinin əməkdaşları bir həftəlik tətilə çıxıblar. Novator.az-ın məlumatına görə, buna şirkətdə böyük ixtisar aparılması niyyəti səbəb olub.
“Fairfax” şirkətinin ixtisar elanı mayın 3-də qeyd olunan Dünya Mətbuat Azadlığı Gününə təsadüf edib.
Şirkət 125 işçisinin – əməkdaşların dörddə birinin ixtisara düşəcəyini bəyan edib. Səbəb kimi şirkətin gəlirlərinin azalması göstərilir. Ötən il də “Fairfax”da ixtisarlar aparılıb.
“Fairfax” şirkəti “Sydney Morning Herald”, “Age” və “Australian Financial Review” kimi tanınmış nəşrləri özündə birləşdirir.
