Əmək müfəttişləri işçilərə nə qədər vəsait ödətdirib?
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti bu ilin yanvar-aprel aylarında işəgötürənlərin gecikdirdiyi 60 min manata yaxın vəsaitin işçilərə ödənilməsini təmin edib. Rəsmi hesabata görə, həmin vəsaitin 56448 manatı (94,1 faiz) gecikdirilmiş əmək haqları, 2300 manatı (3,8 faiz) sosial müavinətlər və kompensasiyalar olub, qalan hissəni zərərə görə ödənclər təşkil edib.
Dövlət Əmək Müfəttişliyi Xidməti bildirir ki, müraciətlərin araşdırılması zamanı ayrı-ayrı işçilərin işdən qeyri-qanuni çıxarıldıqları da müəyyən edilib və görülən tədbirlər nəticəsində onların işlərinə bərpası təmin olunub.
