“Kanal 13”ün direktoru həbs olunub
“Kanal 13” internet televiziyasının direktoru Əziz Qaraşoğlu həbs olunub.
Mayın 2-də Nəsimi Rayon Məhkəməsində onun barəsində 30 sutka inzibati həbs qərarı çıxarılıb. Əziz Qaraşoğlu polisə müqavimətdə təqsirli bilinib.
Vəkil Elçin Sadıqov “Azadlıq” radiosuna deyib ki, qərardan apellyasiya şikayəti veriləcək.
“Kanal 13” internet televiziyası əsasən 2010-cu ildən fəaliyyət göstərir. Gündəlik proqramlar hazırlayıb yayır. “Kanal 13″ün təsisçisi Anar Orucov bir neçə ildir Almaniyada yaşayır.
