Xəbərlər yüklənir ...
Bakı Biznes Mərkəzində tələbə və məzunlar üçün Əmək və Əhalinin Sosial Müdafiəsi Nazirliyinin, Mədəniyyət və Turizm Nazirliyinin dəstəyi, Azərbaycan Turizm və Menecment Universitetinin təşkilatçılığı ilə “Karyerada ilk addım” devizi altında aktiv məşğulluq tədbiri keçirilib. Tədbirin açılışında əmək və əhalinin sosial müdafiəsi naziri Səlim Müslümov və mədəniyyət və turizm naziri Əbülfəs Qarayev iştirak ediblər.
Əmək və Əhalinin Sosial Müdafiəsi Nazirliyinin 2 may məlumatına görə, tədbirdə 73-ü özəl, 4-ü dövlət sektoruna aid olan 77 müəssisə tələbə və məzunlara 237 boş (vakant) iş yeri təqdim edib. Vakant iş yerlərinin 6-sı dövlət, 231-i isə özəl müəssisələrə aid olub.
İştirakçılar seçdikləri boş (vakant) iş yerlərinə göndərişlə təmin olunublar. Həmçinin tələbə və məzunlar əmək bazarı barədə ətraflı məlumatlar öyrənib və işəgötürənlərin nümayəndələri ilə ilkin əlaqələr quraraq şəxsi məlumatları əks olunan CV-lərini onlara təqdim ediblər.