Təhsil Nazirliyinə müraciət statistikası
Təhsil Nazirliyinin telefon məlumat mərkəzinə (“Qaynar xətt”: 146) 2017-ci ilin aprelində daxil olan zənglərin və ay ərzində vətəndaşların qəbulu mərkəzində vətəndaşlara göstərilən xidmətlərin statistikası açıqlanıb.
Rəsmi hesabata görə, ötən ay qeyd olunan mərkəzlərə ümumilikdə 16593 müraciət daxil olub. Telefon məlumat mərkəzində 14146 zəng qəbul edilib, vətəndaşların qəbulu mərkəzində isə 2447 vətəndaşa xidmət göstərilib.
Vətəndaşların qəbulu mərkəzində 1129 sənəd (544 məktub, 368 ərizə, 217 digər sənəd) qəbul olunub və qeydiyyata alınıb.
Daxil olan müraciətlər daha çox ali təhsil sənədlərinin (diplomların) tanınması, müəllimlərin diaqnostik qiymətləndirilməsi, ümumtəhsil məktəblərinin 1-ci siniflərinə qəbul, müəllimlərin işə qəbulu və yerdəyişməsi ilə bağlı olub.
