Özəlləşdirmə hərracı: rekord 220 min manat oldu
Mayın 2-də Əmlak Məsələləri Dövlət Komitəsinin keçirdiyi hərracda 5 kiçik dövlət müəssisəsi, 11 istifadəsiz qeyri-yaşayış sahəsi özəlləşdirilib. Özəlləşdirilən əmlakın 5-i Bakının, 11-i bölgələrin payına düşüb.
Ən yüksək qiymətə Sabunçu rayonunda yerləşən ictimai iaşə obyekti özəlləşdirilib. Əmlak 220 min manata satılıb.
Xəzər rayonunda yerləşən tibb məntəqəsinə 190 min manat verilib.
İstifadəsiz qeyri-yaşayış sahələrindən ən yüksək qiymətə özəlləşdirilən əmlaka 60 min manat ödənib.
