Litva çimərliklərində kişilər üçün ayrıca yerlər açılır
Litva çimərliklərində kişilər üçün ayrıca yerlər açılır. Novator.az-ın məlumatına görə, Litvanın Nerinqa şəhərinin yerli özünüidarə orqanı dörd çimərlikdə yalnız kişilərin keçə biləcəyi sahələrin yaradılmasına göstəriş verib.
Şəhər hakimiyyəti bu qərarı Hüquq Bərabərliyi Xidmətinin müraciəti əsasında qəbul edib.
Nerinqada ayrıca olaraq qadınlar və nudistlər (açıq havada, bir qayda olaraq çimərliklərdə lüm-lüt gəzməyi təşviq edən nudizm cərəyanının tərəfdarları) üçün yerlər var. Amma kişilər üçün belə ərazilər ayrılmayıb. Bunu cinsi bərabərliyin pozulması kimi qiymətləndirən bir kişi Hüquq Bərabərliyi Xidmətinə şikayət edib. Xidmət şikayəti əsaslı sayıb və nəticədə şəhərdəki dörd çimərliyin hər birində məxsusi olaraq kişilər üçün yerlərin ayrılmasına qərar verilib.
