Silahlı Qüvvələrə Yardım Fondunun vəsaiti artıb
Silahlı Qüvvələrə Yardım Fondunun vəsaiti açıqlanıb. Müdafiə Nazirliyinin rəsmi məlumatına görə, mayın 1-nə fonda 81,7 milyon manat, 212,7 min ABŞ dolları, 7,1 min avro və 5 min rubl daxil olub.
Novator.az bildirir ki, ötən ayın əvvəli ilə müqayisədə manat və avro hesabında artım qeydə alınıb. Aprelin 1-nə Silahlı Qüvvələrə Yardım Fondunda 81,1 milyon manat, 6,8 min avro vardı.
Silahlı Qüvvələrə Yardım Fondu 2002-ci ildə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
