Əmək müqaviləsi bildirişləri üzrə yeni hesabat
Əmək və Əhalinin Sosial Müdafiəsi Nazirliyi əmək müqaviləsi bildirişləri üzrə elektron informasiya sistemi ilə bağlı hesabat yayıb. Rəsmi məlumata görə, istifadəyə verildiyi 2014-cü ilin iyulundan bu il mayın 1-dək əmək müqaviləsi bildirişləri üzrə elektron informasiya sisteminə 7 milyon 606 min 800 dəfə müraciət olunub.
Hesabatda qeyd olunur ki, “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidməti işəgötürənlərin daimi müraciət etdiyi e-xidmətlərdəndir. Elektron informasiya sisteminə müraciətlərin 6 milyon 500 min 632-si məhz bu e-xidmətə yönəlib.
Müraciətlərin 1 milyon 106 min 168-i isə “Əmək müqaviləsi bildirişləri barədə məlumatların işçilər tərəfindən əldə edilməsi” e-xidmətinə aid olub.
