İmam Əli məscidində yanğın
Mayın 1-nə keçən gecə İsveçin paytaxtı Stokholm yaxınlığında İmam Əli məscidi yanıb.
Novator.az-ın məlumatına görə, məscidin yandırıldığı ehtimal olunur.
Məscid Stokholm ətrafındakı Yerfelle şəhərində yerləşir. Yanğın məscid binasının çölündən başlayıb. Xəsarət alan olmayıb.
İmam Əli məscidində 3 mindən çox kitabın saxlandığı kitabxana var. Kitabxananın yanıb-yanmadığı haqda hələlik məlumat verilməyib.
Müsəlman icmasının nümayəndələrindən biri jurnalistlərə deyib ki, yanğın məscid binasının təxminən yarısına ziyan vurub. Məscidin binası 3500 kvadratmetr sahəni əhatə edir.
