Dollar yeni aya köhnə qiymətlə başladı
ABŞ dolları may ayına köhnə qiymətlə qədəm qoyub. Mayın 1-də Mərkəzi Bank dolları 1,7025 manata təklif edir. Bu məzənnə aprelin 26-dan qüvvədədir.
Avroda isə bahalaşma var. Novator.az-ın məlumatına görə, avronun rəsmi kursu 1,8495 manatdan 1,8542 manata yüksəlib.
Gürcü larisi 0,6956 manata, Rusiya rublu 0,0299 manata, türk lirəsi 0,4788 manata satılır (Məzənnələr).
2017-ci ilə dollar 1,7707 manatla başlayıb. Yanvarda ən yuxarı rəsmi qiymət 1,9165 manat, fevralda 1,92 manat, martda 1,7563 manat, apreldə 1,7244 manat olub.
