Yol qırağında 2 mindən çox ağac əkilib
Respublika yaşıllaşdırma marafonu çərçivəsində Qaradağ rayonunda ağacəkmə aksiyası keçirilib.
Aksiya ekoloji mühitin sağlamlaşdırılması və torpaq qatının münbitləşməsi məqsədilə keçirilir. Aksiyada rayonun əmək kollektivləri və sakinlər iştirak ediblər.
AZƏRTAC-ın məlumatına görə, Bakı-Ələt magistral avtomobil yollunda, Bakı dairəvi yolunun rayon ərazisindən keçən hissəsində, Lökbatan, Səngəçal və Qobustan qəsəbələrində, Qobustan Tarix Qoruğuna gedən yolun kənarında 2 mindən çox ağac əkilib. Yeni əkilən ağacların xeyli hissəsini yerli iqlimə uyğun zeytun və şam ağacları təşkil edir və onlara qulluq göstərilməsi üçün suvarma sistemləri quraşdırılıb.
