“Avroviziya 2016”nın qalibi ərə getdi
“Avroviziya 2016” mahnı müsabiqəsinin ukraynalı qalibi Camalə ailə qurub.
Novator.az-ın məlumatına görə, Camalə Krım tatarı Bəkir Süleymanova ərə gedib. Onların toyu aprelin 26-da Ukrayna paytaxtında, Kiyev İslam Mədəniyyət Mərkəzində olub.
Camalə ötən ilin noyabrında “Facebook” səhifəsində çoxdan dostluq elədiyi Bəkir Süleymanovdan evlənmək təklifi aldığını və ona “hə” dediyini yazmışdı.
Camalə (Susanna Camaləddinova) 1983-cü ildə Qırğızıstanın Oş vilayətində doğulub, 6 yaşından Krımda böyüyüb. Atası Krım tatarı, anası ermənidir.
2016-cı ildə İsveçdə keçirilən “Avroviziya” yarışmasında Camalə Krım tatarlarının 1944-cü ildə sürgün olunmasından bəhs edən mahnı ilə birincilik qazanıb.
