Ümumrusiya Azərbaycan Konqresinin işi gələn aya qaldı
Aprelin 25-də Rusiya Ali Məhkəməsi Ədliyyə Nazirliyinin Ümumrusiya Azərbaycan Konqresinin (ÜAK) qeydiyyatının ləğvinə dair iddiası üzrə iclas keçirib. APA-nın məlumatına görə, prosesdə Ədliyyə Nazirliyinin nümayəndəsi ÜAK-nin təqdim etdiyi yeni sənədlərin öyrənilməsi üçün vaxt istəyib. Məhkəmə mayın 15-də davam edəcək.
Ədliyyə Nazirliyi ÜAK-də nəzarət-təftiş tədbirləri zamanı Rusiya qanunvericiliyinin və qurumun nizamnaməsinin müddəalarının pozuntularının aşkarlandığını bəyan edib. Qeyd olunur ki, təşkilat pozuntuların aradan qaldırılması xəbərdarlıqlarından nəticə çıxarmayıb.
Ümumrusiya Azərbaycan Konqresi 2001-ci ildə yaradılıb.
