3 ayda istehsalat qəzalarında 10 nəfər ölüb
Dövlət Əmək Müfəttişliyi Xidməti ilin ilk rübündə istehsalatla əlaqəli 31 bədbəxt hadisə qeydiyyata alıb. Əmək və Əhalinin Sosial Müdafiəsi Nazirliyi bildirir ki, hadisələrin 2-si qrup halında baş verib.
İstehsalatla əlaqəli bədbəxt hadisələr nəticəsində 10 nəfər dünyasını dəyişib, 24 nəfər xəsarət alıb. Qəzalar daha çox tikinti və nəqliyyat, emal sənayesi və mədən sahələrində, həmçinin özəl sektora aid müəssisələrdə baş verib.
