Məşhurlar titulsuzlara qarşı
UEFA Avropa Liqasının gələn ay keçiriləcək yarımfinal oyunlarında “Selta” (İspaniya) “Mançester Yunayted”ə (İngiltərə), “Ayaks” (Hollandiya) “Lion”a (Fransa) rəqib olub.
Turnir 1971-2008-ci illərdə UEFA kuboku adlanıb. Novator.az bildirir ki, indiki yarımfinalçılar arasında yalnız “Ayaks” turnirdə zəfər çalıb. Amsterdam təmsilçisi 1992-ci ildə UEFA kubokuna sahib çıxıb.
Başqa turnirlərə baxsaq, “Ayaks” 4 dəfə (1971, 1972, 1973, 1995-ci illər) Çempionlar Liqasının qalibi olub. “Mançester Yunayted”in həmin turnirdə 3 zəfəri (1968, 1999, 2008-ci illər) var.
“Ayaks” və “Mançester Yunayted” 1999-cu ilədək keçirilmiş Kuboklar kubokunu da hərəyə bir dəfə əldə ediblər.
“Selta” və “Lion” isə tam titulsuz komandalardır.
