İctimai Teleradionun baş direktoru postuna 5 namizəd var
İctimai Televiziya və Radio Yayımları Şirkətinin baş direktoru postuna 5 namizəd iddia edir. Aprelin 24-də APA-ya açıqlama verən Milli Televiziya və Radio Şurası Aparatının rəhbəri Toğrul Məmmədov bildirib ki, müsabiqəyə indiki baş direktor Cəmil Quliyev də sənəd təqdim edib. Digər iddiaçılar bunlardır: Tahir Paşazadə, İltifat Soltanov, Tahir Məmmədov, Afaq Ağayeva.
Namizədlərin sənədləri İctimai Televiziya və Radio Yayımları Şirkətinin Yayım Şurasına təqdim edilib. Yayım Şurası 9 üzvdən ibarətdir. İctimai Televiziya və Radio Yayımları Şirkətinin baş direktorunu seçmək bu qurumun səlahiyyətindədir.
Baş direktor 4 il müddətinə seçilir. Cəmil Quliyev 2013-cü il aprelin 23-dən İctimai Televiziya və Radio Yayımları Şirkətinin baş direktorudur.
