Havanın qaraciyər sirrozuna nə dəxli var?
ABŞ-ın Şimali Karolina Universitetinin mütəxəssisləri 190-dan çox ölkənin sakinləri haqda məlumatları analiz ediblər. Novator.az-ın məlumatına görə, tədqiqat göstərib ki, soyuq hava, günəşli günlərin azlığı alkoqoldan yaranan qaraciyər sirrozuna gətirib çıxarır. Havanın hərarətinin bir dərəcə artımı isə alkoqoldan əmələ gələn sirroz riskini 0,3% azaldır.
Alimlərin qənaətinə gərə, alkoqoldan normadan artıq istifadə istilik təəssüratı yaradır. Günəş şüası çatışmazlığı isə depressiyaya gətirib çıxarır və alkoqolizm riskini artırır.
Tədqiqata əsasən, soyuq ölkələrin sakinləri isti ölkələrin əhalisinə nisbətən çox spirtli içki qəbul etdiklərinə görə qaraciyər sirrozu xəstəliyinə daha meylli olurlar.
Sauthempton Universitetinin əməkdaşları isə müəyyən ediblər ki, gündə iki fincan qəhvə içmək tez-tez spirtli içki qəbul edənləri qaraciyər xəstəliyindən xilas edə bilər. Mütəxəssislər iddia edir ki, müntəzəm qəhvə içmək qaraciyər sirrozu riskini 44% azaldır.
