Böyük beşlikdə son durum
Avropanın aparıcı futbol ölkələrində – böyük beşlikdə milli çempionatlar sona yaxınlaşır. Novator.az-ın məlumatına görə, İspaniya çempionatında sona 5 tur qalmış “Barselona” 75 xalla zirvədədir. Bir oyun əskik keçirən “Real”ın da 75 xalı var. “Atletiko” 68 xalla üçüncü pilləni tutur.
İngiltərə çempionatında sona 4 tur qalmış 75 xal yığan “Çelsi” liderlik edir. “Tottenhem” 71 xalla ikincidir. Bu komandaların ehtiyatda iki oyunları var. “Liverpul” 34 oyuna 66 xal toplayaraq üçüncü pillədə dayanır.
Almaniya çempionatında yekuna 4 tur qalmış turnir cədvəlinin önündə 70 xalla “Bavariya” durur. “Leypsiq” 62 xalla ikinci yerdə gedir. Üçüncü pillədə 56 xal toplayan “Borussiya” (Dortmund) qərarlaşıb.
İtaliyada sona 5 tur qalmış “Yuventus” liderdir: 83 xal. Bir oyun az keçirən “Roma” 72 xalla ikinci, “Napoli” 71 xalla üçüncü pillədədir.
Fransada sona 4 tur qalmış ehtiyatda bir oyunu olan “Monako” 80 xalla öndə gedir. PSJ də 80 xal toplayıb. Üçüncü yerdə gedən “Nitsa”nın 74 xalı var.
