Naxçıvanın 3 aylıq iqtisadi göstəriciləri
Naxçıvan Muxtar Respublikasında yanvar-mart ayları ərzində ümumi daxili məhsul (ÜDM) istehsalının həcmi 505 milyon 378 min manatı ötüb. AZƏRTAC bildirir ki, hər bir nəfərə düşən ÜDM-in həcmi əvvəlki ilin müvafiq dövrünə nisbətən 4,5 faiz artaraq 1124,3 manata çatıb.
ÜDM-in tərkibində ilk yeri 31,7 faizlik payla sənaye sahəsi tutub.
2016-cı ilin müvafiq dövrü ilə müqayisədə 2017-ci ilin yanvar-mart aylarında sənaye məhsulunun həcmi 1,3 faiz, kənd təsərrüfatının ümumi məhsulu 3,3 faiz, ixracın həcmi 1,1 faiz, əhalinin gəlirləri 1,2 faiz artıb.
