Gəlirlər nəyə xərclənir?
Bu ilin yanvar-mart aylarında əhalinin nominal gəlirləri 2016-cı ilin eyni dövrünə nisbətən 6,7 faiz artaraq 11 milyard 362,1 milyon manata çatıb. Bir nəfərə düşən məbləğ orta hesabla 1171,3 manat olub.
Novator.az-ın məlumatına görə, Dövlət Statistika Komitəsi bildirir ki, 2017-ci ilin ilk üç ayında gəlirlərin 87,2 faizi son istehlak xərclərinə, 8 faizi vergilər, sosial sığorta və könüllü üzvlük haqlarının, 2 faizi kreditlər üzrə faizlərin ödənməsinə sərf edilib, 2,8 faizi isə yığıma yönəldilib.
Bütün icbari və könüllü ödənişlər edildikdən sonra əhalinin sərəncamında 10 milyard 449,6 milyon manat və ya əvvəlki ilin müvafiq dövrünə nisbətən 6,9 faiz çox vəsait qalıb.
