Sənayedə istehsal bahalaşıb
Dövlət Statistika Komitəsi sənaye məhsullarının istehsalçı qiymətləri haqqında hesabat yayıb. Novator.az bildirir ki, hesabata görə, 2017-ci ilin yanvar-mart aylarında sənaye məhsullarının istehsalı 2016-cı ilin eyni dövrünə nisbətən 74,6 faiz bahalaşıb.
İstehsalda mədən sənayesi üzrə 83,3 faiz, emal sənayesi üzrə 38,3 faiz, elektrik enerjisi, qaz və buxar istehsalı, bölüşdürülməsi və təchizatı üzrə 58,1 faiz, su təchizatı; tullantıların təmizlənməsi və emalı sahəsi üzrə isə 7,6 faiz qiymət artımı olduğu bildirilir.
2017-ci ilin mart ayında fevral ayına nisbətən sənaye məhsullarının istehsalçı qiymətləri 6,3 faiz artıb.
