Dövlət Neft Fondunun nə qədər vəsaiti var?
2017-ci ilin yanvar-mart ayları ərzində Dövlət Neft Fondunun (ARDNF) büdcə gəlirləri 3 milyard 272,5 milyon manat, büdcə xərcləri isə 3 milyard 847,5 milyon manat olub. Aprelin 18-i ARDNF-də keçirilən mətbuat konfransında icraçı direktor Şahmar Mövsümov belə deyib.
İcraçı direktorun sözlərinə görə, 2017-ci il aprelin 1-nə fondun aktivləri 2017-ci ilin əvvəlinə nisbətən 0,18% artaraq 33 milyard 207,2 milyon dollara çatıb.
2017-ci il yanvarın 1-nə fondun aktivləri 33 milyard 147 milyon ABŞ dolları həcmində idi.
