İş yerindən arayış xidmətinə müraciətlər 47,4 faiz artıb
Əmək və Əhalinin Sosial Müdafiəsi Nazirliyinin təqdim etdiyi “İş yerinə dair arayış” elektron xidmətinə müraciətlər artıb. Nazirlik bildirir ki, ilin ilk rübündə həmin e-xidmətə 63 min 924 dəfə, ötən ilin müvafiq dövrü (43 min 360 müraciət) ilə müqayisədə 47,4 faiz çox müraciət olub.
İstifadəyə verildiyi vaxtdan aprelin 1-nə qədər vətəndaşlar bu e-xidmətə ümumilikdə 516,8 min dəfə müraciət edib.
“İş yerinə dair arayış” xidməti vasitəsilə vətəndaş işlədiyi müəssisənin aidiyyəti şəxslərinə müraciət etmədən, real vaxt rejimində, rahat şəkildə öz iş yerlərinə dair arayışı elektron şəkildə əldə edə bilir. Sənəddə işəgötürən haqqında məlumatlar, onun əlaqə nömrəsi, işçinin şəxsi məlumatları, əmək müqaviləsinin bağlandığı tarix, müqavilənin müddətli və ya müddətsiz olması, eləcə də arayışın etibarlılıq müddəti, digər məlumatlar əksini tapır.
